Unio-kongressen er hovudorganisasjonen Unio sitt øvste organ og møtest kvart tredje år. I år finn kongressen stad på Sundvolden hotell 2. og 3. desember.
– Formålet med kongressen er å diskutere og vedta Unio sine overordna politiske prioriteringar, seier Unio-leiar Ragnhild Lied.
Val og nytt politisk program
I år skal kongressen diskutere og vedta nye vedtekter og nytt politisk program. I tillegg skal kongressen velje ny leiing for komande treårsperiode. Kongressen skal også ta stilling til søknad om opptak av Norsk Logopedforbund i hovudorganisasjonen Unio.
– Arbeidslivet er i endring, og mange saker verkar inn på arbeidslivspolitikken. Gjennom trepartsamarbeidet har Unio ei viktig stemme når avgjerder skal fattast av styresmaktene. Eg kan nemne arbeidet med eit førebbyggjande og inkluderande arbeidsliv og ei meir fleksibel praktisering av frontfagetsmodellen som to døme, seier Lied.
– Kongressen er ein god møteplass for Unio sine forbund. Her får vi kjenne på fellesskapet samstundes som vi utfordrar kvarande med gode og konstruktive debattar, seier Unio-leiaren.
Velkomen til Unio-kongressen 2024.
Sjå Unios kongressnettside for praktisk informasjon, saksliste og sakspapir