Bladet Sykepleien har saman med Fagbladet (gitt ut av Fagforbundet) offetleggjort ei spørreundersøking utført av ordførarane i landet og tilsette i eldreomsorgen.

Enormt sprik
Resultatet viser eit enormt sprik mellom kva ordførarane og dei tilsette meiner er verkelegheita. På spørsmålet om kva dei spurte syns om tilbodet ved sjukeheimar/eldreinstitusjonar svarte 92 prosent av ordførarane at tilbodet var meget eller ganske godt. Berre 55 prosent av sjukepleiarane og 42 prosent av hjelpepleiarane var samde i den vurderinga.

Nok fagpersonell?
I undersøkinga vart det også stilt spørsmål og det er tilstrekkeleg med faglært personell innan eldreomsorgen i kommunene. Ja, svarte 68 prosent av ordførarane. Berre 32 prosent av sjukepleiarane og 37 prosent av hjelpepleiarane meinte det var nok kvalifisert personell.

- Hakkande gale
- Noko er hakkande gale! seier valforskar og professor i statsvitskap Frank Aarebrot til Sykepleieren om det store spriket i synet på eldreomsorga. Han meiner ordførarane har eit forklaringsproblem. Og at dei tilsette må varsle.

Ulikt i store og små kommunar
I undersøkinga er det kommunane styrt av ordførarar frå Høgre og Framstegspartiet som kjem dårlegast ut, ifølge svara frå dei tilsette, medan småpartia kjem best ut. Men dette må sjåast i samanheng med størrelsen på kommunane:

• Tilsette i store kommunar (oftast styrt av Høgre), er minst fornøyd med tilbodet i heimesjukepleien og korttidstilbodet til sjuke eldre.
• Mest fornøyd er tilsette i kommunar som har ordførarar frå Senterpartiet (ofte mindre kommunar), Kristeleg Folkeparti eller Venstre.
• I kommunar med ordførarar frå Framstegspartiet, er dei tilsette ekstra misfornøyd med sjukeheim og korttidstilbod.