Arbeidsmiljøkongressen som vert arrangert annankvart år er Nordens største og viktigaste HMS-møteplass. Arrangementet skal vere i Grieghallen i Bergen frå 20.-22. oktober. I juni er det allereie 500 som har meldt seg på.

Anders Folkestad, som er styreleiar i Arbeidsmiljøsenteret, åpnar kongressen 20. oktober. Han deltek i tillegg i debatten om medbestemming på arbeidsplassen.

Direktøren i Arbeidsmiljøsenteret, Paul Norberg, er stolt over programmet:
- Vi har fleire av landets fremste ekspertar som føredragshaldarar. Dette blir en arbeidsmiljøkongress som er spekka med høgdepunkt, seier han på nettsida til Arbeidsmiljøsenteret.

Tema på kongressen i år er mellom anna:

• næringslivet sitt klimaansvar
• sjukefråvere
• muskel- og skjelettplagar
• sikkerheit på arbeidsplassen
• diskriminering i arbeidslivet
• godt leiarskap
   

Les meir på nettsidene til Arbeidsmiljøsenteret