Kampen for kunnskap har vore kjernen i årets tariffoppgjer. Vi har kjempa med mange og ulike våpen: dokumentasjon, argumentasjon og kommunikasjon - og streik. Eit viktig utgangspunkt har vore at det lønner seg dårleg for den enkelte å ta lang utdanning i Noreg, særleg når ein utdannar seg for arbeid i offentleg sektor. Dette går ikkje dersom offentleg sektor skal levere topp kvalitet og hevde seg i kampen om kompetansen.
I somme tariffoppgjer nådde vi fram gjennom forhandlingar og mekling, og fekk resultat vi kunne gå for.
Men i kommunal sektor strekte ikkje argumentasjon og forhandlingar til. Her var det nødvendig med klassisk tariffkamp – streik. Arbeidsgjevarane trudde tydelegvis at dei kunne svikte store utdanningsgrupper ved å legge ut freistande agn til nokre få. Men Unio beit ikkje på. Arbeidsgjevarane undervurderte både solidariteten og strategien.
Heile Uniolaget har no med seg fersk streikeerfaring i bagasjen til komande tariffoppgjer. Også då står pengar og pensjon høgt på dagsordenen.
Ei stor takk til medlemmer og tillitsvalde for innsatsen, og god sommar.
Skrevet 30.6.2008
RSS
Nettstedskart
Kontakt
English
Replikk
Se hele kalenderen
